2025 წლის 18-19 ივნისს, საქართველოს საგანგებო და სრულუფლებიანი ელჩი ბექა დვალი, მორიგი სამუშაო ვიზიტით ეწვია ფიჯის რესპუბლიკის დედაქალაქ სუვას. 

2025 წლის 23 მაისს, ავსტრალიის თანამეგობრობის დედაქალაქ კანბერაში, საქართველოს დამოუკიდებლობის დღის (26 მაისი) აღსანიშნავად, საქართველოს საელჩომ უმასპინძლა მიღებას „სასტუმრო რეალმში”. ღონისძიებას დაესწრნენ ავსტრალიის საგარეო უწყების, სხვა სახელმწიფო სტრუქტურების, პარლამენტის, არასამთავრობო ორგანიზაციების, აკადემიური და ბიზნეს წრეების, ქ. კანბერაში აკრედიტებული დიპლომატიური კორპუსის წარმომადგენლები და ქართული დიასპორის წევრები.

2024 წლის 7 მაისს, ახალ ზელანდიაში საქართველოს ელჩმა ბექა დვალმა (რეზიდენციით ქ. კანბერა, ავსტრალია), ახალი ზელანდიის დედაქალაქ ველინგტონში სამუშაო ვიზიტისას, შეხვედრა გამართა ახალი ზელანდიის პარლამენტის საგარეო საქმეთა, თავდაცვის და ვაჭრობის კომიტეტის თავმჯდომარესთან, ტიმ ვან დე მოლენთან.

2025 წლის 5 მაისს, ახალ ზელანდიაში საქართველოს საგანგებო და სრულუფლებიანმა ელჩმა ბექა დვალმა (რეზიდენციით ქ. კანბერა, ავსტრალია), ველინგტონში მორიგი ვიზიტისას, სამუშაო შეხვედრა გამართა ახალი ზელანდიის საგარეო საქმეთა და ვაჭრობის სამინისტროს ევროპის სამმართველოს მენეჯერთან დომინიკ ვალტონ-ფრანსთან.

2025 წლის 5 მაისს, ახალი ზელანდის დედაქალაქ ველინგტონში მდებარე ვიქტორიის უნივერსიტეტში (Victoria University Wellington) ახალი ზელანდიის წამყვანი ანალიტიკურ-კვლევითი ცენტრის - საერთაშორისო საქმეთა ახალი ზელანდიის ინსტიტუტის (New Zealand Institute of International Affairs (NZIIA)) - მასპინძლობით, გაიმართა საქართველოს საგანგებო და სრულუფლებიანი ელჩის ბექა დვალის საჯარო ლექცია თემაზე: „გეოპოლიტიკურ შტორმებთან გამკლავება და უსაფრთხოების დილემების გადაწყვეტა: საქართველოს მაგალითი“ („Withstanding Geopolitical Storms and Resolving Security Dillemas: The Case of Georgia“ - https://www.nziia.org.nz/.../withstanding-geopolitical.../ ).

2025 წლის 2 მაისს, ავსტრალიის თანამეგობრობაში საქართველოს საგანგებო და სრულუფლებიანმა ელჩმა, ბექა დვალმა, სიდნეიში „ავსტრალიის ბიზნესის სამიტის საბჭოს“ (Australian Business Summit Council (ABSC) Inc.) ყოველწლიურ შეხვედრაში მიიღო მონაწილეობა.

2025 წლის 30 აპრილს, ახალ ზელანდიაში საქართველოს საგანგებო და სრულუფლებიანმა ელჩმა ბექა დვალმა (რეზიდენციით ქ. კანბერა, ავსტრალია) გაცნობითი შეხვედრა გამართა ახალი ზელანდიის ქალაქ ქრაისჩერჩის მერთან, ბატონ ფილ მაუგერთან.

2025 წლის 29 აპრილს, ახალ ზელანდიაში საქართველოს საგანგებო და სრულუფლებიანმა ელჩმა ბექა დვალმა (რეზიდენციით ქ. კანბერა, ავსტრალია) გაცნობითი შეხვედრა გამართა ახალი ზელანდიის ქალაქ დანიდინის მერთან, ბატონ ჟიულ რადიჩთან.

2025 წლის 27 აპრილიდან 3 მაისის ჩათვლით, ახალი ზელანდიის ქ. დანიდინში მიმდინარეობს 2025 წლის ყინულის ჰოკეის მსოფლიო ჩემპიონატი II დივიზიონის “ბ” ჯგუფში (https://www.iihf.com/en/events/2025/wmiib), რომელშიც მონაწილეობს საქართველოს ყინულის ჰოკეის ეროვნული ნაკრები.

2025 წლის 17 აპრილს, სამოას დედაქალაქ აპიაში პირველი ვიზიტისას, სამოას დამოუკიდებელ სახელმწიფოში საქართველოს საგანგებო და სრულუფლებიანი ელჩი ბექა დვალი (რეზიდენციით კანბერა, ავსტრალია) ეწვია სამოას რაგბის კავშირს (ლაკაპი სამოას) და გაცნობითი შეხვედრა გამართა ლაკაპი სამოას პრეზიდენტთან ნამულაულუ ლეოტასთან, ასევე, აღმასრულებელ დირექტორთან სეუმანუ ჩუნთან.

2025 წლის 16 აპრილს, სამოას დამოუკიდებელი სახელმწიფოს მეთაურისთვის რწმუნებათა სიგელის გადაცემის შემდეგ, გაიმართა საქართველოს საგანგებო და სრულუფლებიანი ელჩის ბექა დვალის შეხვედრა სამოას პრემიერ მინისტრთან, ქალბატონ ფიამე ნაომი მატააფასთან, რომელიც ასევე ითავსებს სამოას საგარეო საქმეთა და ვაჭრობის მინისტრის ფუნქციებს.

2025 წლის 16 აპრილს, სამოას დამოუკიდებელ სახელმწიფოში საქართველოს საგანგებო და სრულუფლებიანმა ელჩმა ბექა დვალმა (რეზიდენციით კანბერა, ავსტრალია), სამოას დედაქალაქ აპიაში რწმუნებათა სიგელი გადასცა სამოას დამოუკიდებელი სახელმწიფოს მეთაურს, მის უმაღლესობა ფიოგა ტუიმალეალიფინო ვალეტო ეტი სუალაუვი II-ს.