ინფორმაცია 2024 წლის 20 ივლისს ავსტრალია-საქართველოს რაგბის ეროვნული ნაკრებების მატჩზე და შესაბამის ოფიციალურ ღონისძიებაზე საქართველოს ელჩის დასწრების შესახებ
2024 წლის 20 ივლისს, ქ. სიდნეიში, ალიანს სტადიონზე, ავსტრალიის რაგბის კავშირის მიწვევით, საქართველოს საგანგებო და სრულუფლებიანი ელჩი ბექა დვალი დაესწრო საქართველოს და ავსტრალიის რაგბის ეროვნული ნაკრებების შეხვედრას და ოფიციალურ პროგრამას, რომელშიც მონაწილეობა მიიღეს ავსტრალიის რაგბის კავშირის ხელმძღვანელობამ, ოფიციალურმა პირებმა და სხვა საპატიო სტუმრებმა.
საქართველოს დელეგაციის წევრებს შორის წარმოდგენილი იყვნენ საქართველოს რაგბის კავშირის აღმასრულებელი დირექტორი თორნიკე გოგებაშვილი და საქართველოს კულტურისა და სპორტის მინისტრის მოადგილე ბატონი კობა ხუბუნაია.
საქართველოს ელჩს შესაძლებლობა მიეცა შეხვედროდა ავსტრალიის რაგბის კავშირის პრეზიდენტს ჯო როფს და სხვა ოფიციალურ პირებს.
საქართველოს ელჩი, ასევე, დაესწრო ხსენებული ფორმალური პროგრამის მონაწილეებს და საპატიო სტუმრებს შორის ქართული ღვინის პოპულარიზაციის მიზნით, საქართველოს საელჩოს მიერ ორგანიზებულ და ავსტრალიაში ქართული პროდუქტების იმპორტიორი კომპანიის ‘’თამადას“ ( www.tamada.com.au ) მიერ მხარდაჭერილ ქართული ღვინის დეგუსტაციას.
