ინფორმაცია საქართველოს ელჩის მიერ ფიჯის რესპუბლიკაში გამართული შეხვედრების შესახებ

2025 წლის 18-19 ივნისს, საქართველოს საგანგებო და სრულუფლებიანი ელჩი ბექა დვალი, მორიგი სამუშაო ვიზიტით ეწვია ფიჯის რესპუბლიკის დედაქალაქ სუვას. 

ვიზიტის ფარგლებში, გაიმართა საქართველოს ელჩის შეხვედრები ფიჯის საგარეო საქმეთა მინისტრის მოადგილესთან ქალბატონ ლენორა ქერექერებუასთან, ფიჯის საგარეო საქმეთა სამინისტროს მუდმივმოქმედ მდივანთან დოქტორ რაიჯელი თაგასთან და წყნარი ოკეანის კუნძულოვანი ქვეყნების ფორუმის სამდივნოს ხელმძღვანელობასთან.

შეხვედრებისას, განხილულ იქნა ფიჯისთან და წყნარი ოკეანის რეგიონის სხვა ქვეყნებთან, ორმხრივ და მრავალმხრივ ფორმატებში, თანამშრომლობის საკითხები.