ინფორმაცია საქართველოს ელჩის ვიზიტის შესახებ ავსტრალიის საგარეო უწყების დიპლომატიურ აკადემიაში

2023 წლის 13 სექტემბერს, საქართველოს ელჩი ბექა დვალი გაცნობითი ვიზიტით ეწვია ავსტრალიის თანამეგობრობის საგარეო საქმეთა და ვაჭრობის დეპარტამენტის დიპლომატიურ აკადემიას, სადაც მას უმასპინძლეს დიპლომატიური აკადემიის დირექტორმა დოქტორმა თომას დევისმა და ავსტრალიის საგარეო უწყებაში აღმოსავლეთ ევროპის საქმეთა მდივნის თანაშემწემ, დეპარტამენტის დირექტორმა ჯეფ ბოვენმა.

 

ვიზიტის ფარგლებში, ბექა დვალი, ასევე, ეწვია ავსტრალიის საგარეო საქმეთა და ვაჭრობის დეპარტამენტთან არსებულ, ჰერბერტ ვერე ევატის სახელობის ბიბლიოთეკას (H.V. Evatt Library) რომელსაც საელჩოს სახელით გადასცა გამოცემები: „სამაჩაბლოს ისტორია“ (ავტორი: გიორგი სოსიაშვილი) ქართულ და ინგლისურ ენებზე, ასევე, „რატომ არის აფხაზეთი საქართველოს ნაწილი. ნამდვილი ისტორია“ (ავტორთა კოლექტივი. რედაქტორი ზურაბ პაპასკირი) ინგლისურ ენაზე.