ბექა დვალმა ვიქტორიის შტატში პირველი ოფიციალური ვიზიტის ფარგლებში, გაცნობითი შეხვედრა გამართა ქ. მელბურნში მცხოვრებ ქართველებთან
2023 წლის 8 ივნისს, ავსტრალიის თანამეგობრობაში საქართველოს საგანგებო და სრულუფლებიანმა ელჩმა, ბექა დვალმა ვიქტორიის შტატში პირველი ოფიციალური ვიზიტის ფარგლებში, გაცნობითი შეხვედრა გამართა ქ. მელბურნში მცხოვრებ ქართველებთან. შეხვედრა ორგანიზებული იქნა მელბურნში საქართველოს საპატიო კონსულის, ბატონ პიტერ მაკმალენის ხელშეწყობით. შეხვედრას თანამემამულეებთან ერთად ესწრებოდნენ ქ. მელბურნში აკრედიტებული საკონსულო კორპუსის წარმომადგენლები. დამსწრე საზოგადოების წინაშე ქართული პოლიფონიური სიმღერები შეასრულეს მელბურნის ქართული გუნდის და გუნდი "გორან"-ის მომღერლებმა.
