ინფორმაცია ქ. ველინგტონში ვიქტორიის უნივერსტეტში საქართველოს ელჩის მიერ წაკითხული საჯარო ლექციის შესახებ

2025 წლის 5 მაისს, ახალი ზელანდის დედაქალაქ ველინგტონში მდებარე ვიქტორიის უნივერსიტეტში (Victoria University Wellington) ახალი ზელანდიის წამყვანი ანალიტიკურ-კვლევითი ცენტრის - საერთაშორისო საქმეთა ახალი ზელანდიის ინსტიტუტის (New Zealand Institute of International Affairs (NZIIA)) - მასპინძლობით, გაიმართა საქართველოს საგანგებო და სრულუფლებიანი ელჩის ბექა დვალის საჯარო ლექცია თემაზე: „გეოპოლიტიკურ შტორმებთან გამკლავება და უსაფრთხოების დილემების გადაწყვეტა: საქართველოს მაგალითი“ („Withstanding Geopolitical Storms and Resolving Security Dillemas: The Case of Georgia“ - https://www.nziia.org.nz/.../withstanding-geopolitical.../ ).

ღონისძიების მსვლელობისას, საქართველოს ელჩმა საერთაშორისო საქმეთა ახალი ზელანდიის ინსტიტუტის წევრებს, მკვლევარებს, სტუდენტებს, მედიის წარმომადგენლებს, საერთაშორისო ურთიერთობებით დაინტერესებულ ფართო აუდიტორიას, მიაწოდა ინფორმაცია საქართველოს ისტორიისა და თანამედროვეობის, საგარეო პოლიტიკის პრიორიტეტების, რუსეთის მიერ ოკუპირებული საქართველოს ტერიტორიების პრობლემატიკის, საქართველოს მიერ წლების განმავლობაში გატარებული რეფორმების და ეკონომიკური განვითარების არსებული ტენდენციების შესახებ.