ინფორმაცია წყნარი ოკეანის კუნძულოვანი ქვეყნების ფორუმის ლიდერთა 53-ე შეხვედრაზე საქართველოს ელჩის დასწრების შესახებ

2024 წლის 26-31 აგვისტოს, ტონგას დედაქალაქ ნუკუ’ალოფაში წყნარი ოკეანის კუნძულოვანი ქვეყნების ფორუმის 53-ე სამიტი გაიმართა (53rd Pacific Islands Forum (PIF) Leaders Meeting 2024). ამ ღონისძიებაზე საქართველოს საპატიო სტუმრის სტატუსით წარმოადგენდა საგანგებო და სრულუფლებიანი ელჩი ბექა დვალი.

კვირეულის ფარგლებში, საქართველოს ელჩს შესაძლებლობა ჰქონდა დასწრებოდა პროგრამით გათვალისწინებულ სხვადასხვა ღონისძიებებს. ბექა დვალმა ასევე გამართა ორმხრივი გაცნობითი და სამუშაო შეხვედრები წყნარი ოკეანის კუნძულოვანი ქვეყნების ფორუმის სამდივნოს და ფორუმის წევრი ქვეყნების მაღალი დონის წარმომადგენლებთან.