ინფორმაცია საქართველოს ელჩის დასწრების შესახებ ახალი ზელანდიის საგარეო საქმეთა და ვაჭრობის სამინისტროს და იუსტიციის სამინისტროს ერთობლივ ბრიფინგზე

2025 წლის 16 დეკემბერს, საქართველოს საგანგებო და სრულუფლებიანი ელჩი ახალ ზელანდიაში (რეზიდენციით ქ. კანბერა), ბექა დვალი ონლაინ ფორმატში დაესწრო ახალი ზელანდიის საგარეო საქმეთა და ვაჭრობის სამინისტროს და ახალი ზელანდიის იუსტიციის სამინისტროს ერთობლივ ბრიფინგს, რომელიც შეეხებოდა 2025 წლის 27 ნოემბრიდან ახალი ზელანდიის სისხლის სამართლის კანონმდებლობის ცვლილებათა ახალი პაკეტის ამოქმედებას უცხოური ჩარევების წინააღმდეგ (Crimes (Countering Foreign Interference) Amendment Act 2025 - https://www.justice.govt.nz/justice-sector-policy/key-initiatives/countering-foreign-interference).

სისხლის სამართლის კანონმდებლობის ეს დებულებები შეეხება ახალ ზელანდიაში უცხოური ჩარევების წინააღმდეგ ზომების გამკაცრებას ისეთი სახელმწიფო ინტერესების დასაცავად, როგორებიცაა დემოკრატიული პროცესი, არჩევნები, მთავრობის ეფექტური ფუნქციონირება, უსაფრთხოება და ეკონომიკა.

ხაზი გაესვა, რომ ახალი ზელანდია მოელის დიპლომატებისგან ადგილობრივი კანონმდებლობის პატივისცემას და დიპლომატიური ურთიერთობების შესახებ ვენის კონვენციასთან სრულ შესაბამისობას, რომელიც ითვალისწინებს დიპლომატის ვალდებულებას არ ჩაერიოს მიმღები სახელმწიფოს შიდა საქმეებში.