საკონსულო ოლქის შემოვლა ქ. ოკლენდში

2023 წლის 21 აპრილს, ავსტრალიის თანამეგობრობაში საქართველოს საელჩომ ახალი ზელანდიის ქ. ოკლენდში საკონსულო ოლქის შემოვლის ფარგლებში საქართველოს მოქალაქეებს წინასწარი რეგისტრაციის საფუძველზე საკონსულო მომსახურება გაუწია. ახალ ზელანდიაში მცხოვრებ საქართველოს მოქალაქეებს შესაძლებლობა მიეცათ განაცხადი საქართველოს მოქალაქის ბიომეტრიული პირადობისა და პასპორტის ასაღებად შეეტანათ. საკონსულო მომსახურებისათვის გამოყენებული იქნა ახალ ზელანდიაში საქართველოს საპატიო კონსულის ოფისი.