ავსტრალიაში საქართველოს საგანგებო და სრულუფლებიანმა ელჩმა, გიორგი დოლიძემ სამუშაო მისია დაასრულა ავსტრალიის თანამეგობრობაში. აღნიშნულთან დაკავშირებით, გაიმართა მისი გამოსამშვიდობებელი შეხვედრები ავსტრალიის გენერალ-გუბერნატორთან, მის აღმატებულება დევიდ ჰარლისთან, ავსტრალიის საგარეო საქმეთა და ვაჭრობის დეპარტამენტის ხელმძღვანელი თანამდებობის პირებთან, ასევე გადაფარვის ქვეყნების მისიების ხელმძღვანელებთან. შეხვედრებისას აღინიშნა ურთიერთობების მაღალი დონე და განხილულ იქნა თანამშრომლობის შემდგომი გაღრმავების პერსპექტივები.