საქართველოს ელჩმა ბექა დვალმა პატივი მიაგო 2008 წლის ომში დაღუპულთა ხსოვნას
2024 წლის 7 აგვისტოს, საქართველოს საგანგებო და სრულუფლებიანმა ელჩმა ბექა დვალმა ავსტრალიის ომის მემორიალის ტერიტორიაზე, ომებში დაღუპული ჯარისკაცების ხსოვნისადმი მიძღვნილ ცერემონიალში მიიღო მონაწილეობა. საქართველოს ელჩმა 2008 წლის აგვისტოში, რუსეთის ფედერაციის მიერ საქართველოს წინააღმდეგ განხორციელებული ფართომასშტაბიანი სამხედრო აგრესიის დროს სამშობლოს დაცვისას დაღუპულ ჯარისკაცთა და მშვიდობიან მოქალაქეთა ხსოვნის საპატივსაცემოდ, საქართველოს სახელით, გვირგვინით შეამკო უცნობი ჯარისკაცის საფლავი.
