29 სექტემბერს საქართველოს ელჩი, გიორგი დოლიძე ავსტრალიის თანამეგობრობის წარმომადგენელთა პალატის თავმჯდომარეს, მის აღმატებულება ტონი სმიტს შეხვდა. შეხვედრაზე მხარეებმა ორმხრივი და მრავალმხრივი თანამშრომლობის განვითარების მიმართულებები განიხილეს. ელჩმა მადლობა გადაუხადა ტონი სმიტს ავსტრალიის მიერ საქართველოს მტკიცე მხარდაჭერისთვის. თავის მხრივ, წარმომადგენელთა პალატის თავმჯდომარემ კიდევ ერთხელ დაადასტურა ავსტრალიის განგრძობითი მხარდაჭერა საქართველოს ტერიტორიული მთლიანობისა და სუვერენიტეტის მიმართ.